信用卡小常識︰臨時提額及溢繳款

 

想要用信用卡快速累積里數或積分,大額的簽賬是必不能少的,

想必有些人曾遇到過「信用額度不足」的問題,繼已產生「我的額度很低,刷卡支付不了,還是用現金吧」的想法,失去累積積分或里數的機會。

當您得知自己有機會需進行較大筆簽賬時,其實可以致電銀行,要求「臨時提額」,一般銀行可以於您指定的期間內,最高提高0.5~2倍的信用額度,使您能順利消費,不過注意一般申請後可能需1天後才能生效,視乎銀行。

另外一個方式是所謂的「溢繳款」,即是在未簽賬前,您已將款項繳交入信用卡中,此法稍為危險,因已繳交的款項最後沒用完,要轉出到戶口需另外申請比較麻煩,此方法只需到銀行櫃台或ATM操作即可,如果款項較大,一般銀行職員也會提醒及詢問。繳款後,可能需時1或數天,才能使用該筆額度。

順便一提,部份信用卡公司可能會預先限制單筆交易最高金額,例如大豐限制單筆25萬或以上交易需要預先申請開通。

 

網友LONG TAM分享有關澳門銀行 溢繳款 做法︰

小小個人經驗分享

澳門嘅信用卡溢款提取手續費呢:

BOCI(大豐)要畀50元手續費!
餘額轉落同名下其他信用卡嚟還款就免費

澳門中銀,BCM,BNU嘅就免費,
但留意要:
BCM只能轉返落該行同一人名下戶口;
BNU唔確定一唔一定要過戶口;
BCM,BNU一定要喺櫃枱搞;
只有澳門中銀嘅可以喺返澳門中銀ATM操作而免費。

其他銀行嘅有待確認。

溢款提取一般只能提溢繳款、退款部份,
現金回贈唔提得!只能用作消費!

 

同行信用卡還款能秒速即時褪額嘅銀行有:
BNU, ICBC, OCBCWH, BOC Macau。

建議喺ebanking操作,
ATM操作嘅話,就算連機都同行都可能會有延誤(如澳門中銀,工商)

BOCI不嬲獨立機構就梗係耐,
BCM同行都要隔日,叫做快跨行啲啲啲啲咁囉。

 

中銀自家出嘅信用卡嘅溢款係可以就咁喺返ATM度按現金出嚟/轉返自己中銀戶口而無手續費唔計透支的!

我試過N次了

澳門中銀CS教我嘅,咁就唔一定排櫃臺,但就叫我要留意小心:
1.一定要喺返澳門中銀ATM,其他ATM操作可能會收費。
2.溢款提出只適用於溢繳款或退款部分,
推廣現金回贈產生嘅溢款部分只能消費使用,不能提出嚟,否則又當透支。
3.小心唔好按錯金額,否則即使只係按多一仙,佔咗信用額部份就當全額現金透支。

 

有問題?歡迎留言