更新日期︰2022.07.29 by 史蒂芬金
Podcast收聽︰
全澳「相對靜止」期間，同大家傾吓政府推出嘅「2022年百億抗疫援助措施」，
今日政府正式公告《減輕因2022年疫情對僱員、自由職業者及商號經營者造成負面影響的援助款項計劃》嘅內容，8月17日起分批發放，要攞到呢次援助，簡單啲講，最重要符合以下兩大要素︰
· 要係澳門居民，永久同非永久都得；同埋
· 有報過職業稅或所得補充稅。
因此，首先了解澳門稅務，先至可以明白援助嘅規則。
營業稅、職業稅、所得補充稅
澳門嘅稅收自然多樣，但與打工仔或者中小企有關嘅，主要有營業稅、職業稅和所得補充稅3樣，簡單講，稅務責任如下︰
- 打工仔︰職業稅 (第一組)，一般公司會幫忙處理報稅。
- 「自由職業者」︰職業稅 (第二組)，例如醫生、律師、補習教師、畫家等自行申報收入。可見最底之自由職業表。
- 老闆︰開業時需申請營業稅開業登記，然後每年申報所得補充稅A或B組。
2022《減輕因2022年疫情對僱員、自由職業者及商號經營者造成負面影響的援助款項計劃》內容
- 打工仔︰2020年至2021年期間總收入不超過60萬澳門元人士可以攞到萬五蚊(2022.7.29更新)。
- 「自由職業者」︰盈利少於 24 萬元，最少可以攞到萬五蚊，最多三十萬！
可先睇睇條文︰「2021年度職業稅申報營業結果非為盈利或為盈利但金額不超過240,000元，將按其2019至2021年度申報的職業稅負擔金額平均值的百分之十計算，發放每人最少15,000元、最多300,000元的援助款項。」
例如，如果一個「自由職業者」(即係職業稅第二組嘅朋友)︰
– 2021年收入︰323萬
– 3年每年平均成本︰300萬
– 2021年盈利︰23萬 (符合少於24萬盈利條件)
– 估計可獲補助︰30萬。
3.「自由職業者」︰特別行業人士可獲一萬蚊
「持有有效證照的從事七類特定行業的本地自由職業者，包括：的士駕駛員、三輪車伕、小販及攤販、導遊、水上的士駕駛員、漁民及保險中介人，每人獲發放10,000元的援助款項。」
4.商號經營者︰盈利少於 60 萬元，最少可獲三萬蚊，最多五十萬﹗
可先睇睇條文︰「如其經營的各商號於2021年度所得補充稅申報的營業結果的總和非為盈利或為盈利但金額不超過600,000元，將按其符合發放條件的商號2019至2021年度申報的經營成本平均值加總後的百分之十計算，發放每人至少30,000元、最多500,000元的援助款項。」
例如*，如果一家公司︰
– 2021年收入︰559萬
– 3年每年平均成本︰500萬
– 2021年盈利︰59萬 (符合少於60萬盈利條件)
– 估計可獲補助︰50萬。
*以上舉例因三年營業額嘅平均值等於或超過澳門幣一百萬元，每年需要編制會計賬目及需由「執業會計師」/「提供會計和稅務服務的會計師」簽名確認。一般營業額不超過一百萬嘅朋友，根據現時所得補充稅稅法，則可以唔需要編制會計賬目，每年自行向財政局申報即可。亦可諮詢會計師等專業人士嘅意見。
多重身份(Slash「斜槓族」)嘅情況，可能會有多過萬五蚊援助
現今社會，好多朋友除咗固定工作以外，可能仲有唔同身份，例如A先生喺正職工作外，工餘時間又係私人補習老師，又同朋友創業搞咗間公司，A先生就可能涉及到打工、自由職業者同埋老闆3個身份，係一個典型「斜槓族」。佢嘅稅務責任就會係職業稅(第一組)、職業稅(第二組)，同埋公司嘅所得補充稅，如果請埋伙記，仲要幫伙記報職業稅(第一組)。
政府去年嘅經援計畫有「不得兼收」嘅規定，只會發放最高金額嘅一份援助款項，估計今年做法唔會改變。
因此，如果A先生，以打工仔嘅角度，佢符合萬五蚊補助，但係佢有做私人補習老師，有申報職業稅(第二組)收益，如果佢符合並獲得補助，例如兩萬蚊，因為「不得兼收」規定，所以佢只會獲最高金額一份援助，即兩萬蚊嘅自由職業援助。
加上因為A先生同朋友搞咗間公司，公司同個人嘅援助係分開嘅，如果嗰間公司符合援助資格，亦同時可以攞到最高50萬嘅經援。當然，呢間公司最遲要喺2021年或之前完成登記(商業登記局)同埋營業稅開業登記(財政局)，並有申報2021所得補充稅收益。
我可以選擇自己係「自由職業者」，亦可以係「自然人商業企業主」(「個人企業主」)，又可以係「一人有限公司」嘅股東？
一個工商服務，可以自己選擇報哪一種稅，除非是特定職業及牌照規定，否則政府响呢方面取態係比較自由。例如，我係一個畫家賺取收入，我可以選擇申報職業稅(第二組)，即「自由職業者」。也可以選擇申報所得補充稅，即自己係「自然人商業企業主」(個人企業主) ，又可以選擇開間「一人有限公司」，同樣申報所得補充稅。不過，如果像站長史蒂芬金是個人保險代理人，就是申報所得補充稅，而不是職業稅(第二組)。
疫下報稅有好處，忘了報怎辦？
一般人聽到報稅可能覺得好頭痛，其實澳門實行低稅制，一般打工仔同埋中小企稅率唔高，仲成日有優惠添！例如由2003年開始豁免咗營業稅，每年又有職業稅退稅，恆常增加所得補充稅免稅額 (去年免稅額維持澳門幣60萬，即係首60萬可課稅利潤免稅)。咁當然收入越高，自然交稅越多。
今次經援規定︰「如果僱主沒有在2022年1月15日或之前為於2020年1月1日至2021年12月31日期間任職的僱員登記入職，又或沒有在2022年6月17日或之前申報僱員2020年或2021年度的工作收入，僱員可透過申請，證明其於該期間內確實存在僱傭關係且符合有關工作收入方面的規定，經財政局核實其資料及資格後，可獲發放僱員援助款項。
上述申請須附同支付報酬的銀行轉帳紀錄或票據，並附同尤其是勞動合同、支付報酬單據、出勤紀錄資料或社會保障基金供款紀錄等其他證據。」
2022年起失業可以申領援助嗎？
可以，於2022年1月1日至7月30日期間開始處於非自願失業狀況的本澳居民，透過申請及提交有關失業狀況的證明，經財政局核實其資料及資格後，亦可獲發放僱員援助款項。
上述申請最遲須於2022年8月29日向財政局提交。
特別誌謝
感謝京澳會計師事務所—張展翔執業會計師對本文給予建議。
歡迎加我討論︰
更多詳情見︰僱員、自由職業者及商號經營者援助款項8月17日起分批發放
財政局亦會於8月1日推出網上專頁（https://info.dsf.gov.mo），提供詳細的援助款項資訊。
以上純粹個人分享，不構成任何稅務建議，如需更多資訊，請諮詢財政局，專業會計人士等。